Urban, Toxic කවි කතා 05- උඹ කොහෙද?

• මචං උඹ කොහෙද?

+ kandy බන්

• අම්මට kandy කොල්ලෙක්නේ…kandy වල කොහෙද?

+ දර්මරාජේ ඉස්කෝලේ ගියේ බං. Class of 2017

• එතකොට ගෙවල්?

+ ගෙවල් වලට නං පෝඩ්ඩක් මාතලේ පාරේ යන්ඩ ඕන 

• අකුරණ හරියෙද?

+ නෑ.....බං මාතලේ පහු කරගෙන යන්ඩ ඕන ටිකක්.

• කොහෙද......හෙට්ටිපොළ හරියේ?

+ නෑ…. තව යන්ඩ ඕන....දඹුල්ල දන්නවද?

• අහ් දඹුල්ලේද එතකොට?

+ ඔව් බං දඹුල්ලේ පොළොන්නරු පාරේ ඉන්නේ

• ඉනාමළුව පැත්තේ ද?

+ ඔව්…ඔව්…. ඊට පොඩ්ඩක් එහා

• එතකොට උබ හඹරණ ද?

+ ඔව් බං

• ඉතින් ඕයි…. හඹරණ කියලා කිව්වනං ඉවරයිනේ, වටේ යවන්නැතුව. ඉපදුන තැන කියන්ඩ ලැජ්ජා වෙන්න ඕන වැයි.

+ sorry බන්......එතකොට උබ කොහෙද?

• මං කුරුණෑගල බං

+ town එකේමද?

• නෑ..... නෑ දඹුලු පාරේ පොඩ්ඩක් ඇතුලට යන්ඩ ඕන

+ කොයි හරියෙද?.....මැලෙසිරිපුර කිට්ටුවද?.…..

• නෑ...නෑ...ඊට ටිකක් එහා බොස්......

+ ඉබ්බාගමුවේ?......

• මේ...මේ..... දඹුලු පාරේ කිව්වට.....දඹුල්ල චූට්ටක් පාස් කරගෙන යන්න ඕන.......

+ ඈ........අප්පපට සිරි! ඉනාමලුව දිහාද!

• හී....හී.....ඊටත් චූට්ටක් විතර එහා බං.......

+ දැන් එතකොට උඹත් හඹරණද?